Bugtong Karayom - Needle

Lumabas, pumasok, dala-dala ay panggapos.


Sagot sa bugtong ay karayom. Sa bugtong ng karayom, ang lumabas at pumasok ay ang sinulid, na inihalintulad sa panggapos. Ang karayom in english ay needle ay isang kagamitan sa pananahi. Ito ay matulis ang dulo, naka disenyo upang panusok sa tatahiin, gaya ng tela. Ang pananahi ay maaaring sa pamamagitan ng kamay o sa pamamagitan ng makina o sewing machine. May butas ang kabilang dulo nito upang pasukan naman ng sinulid na gagamitin sa pananahi o pagbuburda. Ang damit ay nabubuo sa pamamagitan lamang ng ilang kagamitan. Isa na dito ang karayom. May iba't iba ding laki ng karayom sa iba't ibang pangangailangan dito.

karayom picture

Bugtong ng Kasoy - Cashew

Isang prinsesa, nakaupo sa tasa.


Sagot sa bugtong na ito, kasoy. Ang kasoy ay isang bunga na ang buto ay tumutubo sa labas ng prutas. Kung titignan ang larawang ng kasoy, magmumukhang nakaupo ang buto nito sa prutas. Kaya naman ang bugtong ng prinsesa na nakaupo sa tasa ay akma para dito.

kasoy picture

Marami ang pwedeng luto sa kasoy. Isa sa mga lugar sa Pilipinas na marami ang kasoy ay sa Palawan. Kung ikaw ay magbabakasyon o papasyal sa Puerto Princesa o Coron, di mo pwedeng palampasin ang pagkakataon upang ikaw ay mamili ng kasoy at gawing pasalubong. Isang artikulo tungkol sa kasoy mula sa Kasoy in Palawan.

Bugtong ng Tinidor - Fork

Apat na magkakapatid, sabay sabay ng sumisid.

Sagot sa bugtong ay tinidor. Ang bugtong ng tinidor ay inihalintulad sa apat na magkakapatid. Ang apat na patusok nito ang karaniwang ginagamit na pangtusok ng pagkain. Ito din ang kubyertos na karaniwang kaparis ng kutsara na ating ginagamit sa pagkain. Ang tinidor ay karaniwang yari sa bakal. May mga ilang gawa din sa plastic at kahoy.

tinidor picture

Mga Bugtong ng Unan - Pillow

Bugtong Una, Kung araw ay patung-patong, kung gabi'y dugtung-dugtong.
Bugtong Ikalawa, Kabiyak na suman, magdamag kong binantayan.
Bugtong Ikatlo, Isang malaking suman, sandalan at himlayan.

Bugtong ng Unan ay may mga tatlong halimbawa ng bugtong tayong naipon para dito. Ang unan in english ay pillow. Ito ay kadalasang gawa sa bulak o cotton ngunit napakadami at iba't iba pang uri ng unan bukod dito. Ang unan ay ginagawang komportable ang ating pagtulog sa pamamagitan ng pagsuporta sa ulo at leeg.

unan picture

Mga bugtong ng Banig | Mat

Bugtong ng Banig, or ang Banig in English ay mat, ay may tatlong halimbawa akong nakalap, ito ang mga sumusunod na bugtong para sa banig. Tatlong bugtong ng banig.

Nakalatag kung gabi, kung araw ay nakatabi.
Kung gabi ay dahon, kung araw ay bumbong.
Kung nakatindig ay kawayan, kung nakabuka'y karagatan.

 banig picture

Ang banig ay isang uri ng hinabing tela mula sa napakaraming mapagkukuhanan ng materyales. Ito ay karaniwang makulay at maaaring ginagamit sa pagtulog bilang pansapin sa sahig upang proteksyonan tayo sa lamig. Ito ay parte ng depinisyon ng banig mula sa wikipedia.

"A Banig is a handwoven mat usually used in East Asia and Philippines for sleeping and sitting. This type of mat was traditionally made in the Philippines. Although has been more widely used too.

Technically, it is not a textile. Depending on the region of the Philippines, the mat is made of buri (palm), pandan or sea grass leaves. The leaves are dried, usually dyed, then cut into strips and woven into mats, which may be plain or intricate."

Bugtong: Mga bugtong ng Bintana

Kung araw ay humayo ka, kung gabi ay halika.


Kung araw ay buka, kung gabi ay sara.

Ang bintana in English is window. Isang napakadaling bugtong ito na ang sagot ay bintana. Ang bintana ay makikita sa ating mga bahay at iba pang establisamento. Ang bintana ay karaniwang binubuksan sa araw kung kailan ang mga tao ay gising. Ito din ay para dumaloy ang hangin sa bahay upang tayo ay mapreskuhan. Sa gabi naman ay kailangan nating isara ito upang protektuhan tayo sa mga insekto tulad ng lamok. Ang pagsasara ng bintana sa gabi ay simbulo din ng pag-iingat. Kung i translate natin ang bugtong sa Ingles ito ay magiging.

If in daytime you just go on, but if it is nighttime then come here.


If in daytime it is open, in nighttime it is closed.

larawan ng bintana

Bugtong ng Hangin-Wind

Bugtong
Heto na! heto na! hindi mo pa nakikita.

sagot sa bugtong na ito. Hangin o wind sa salitang english.Ang hangin ay sinasabi sa bugtong na ito na heto na ngunit di mo pa nakikita ay dahil sa ang hangin ay walang kulay o amoy kung ito ay nasa payak nitong anyo. Ang bugtong na ito ay isa sa mga personal kong paborito sa iba't ibang bugtong.Ang hangin ay karaniwang may iba't ibang elemento ng gas. Isa na dito ang ating nilalanghap na oxygen.

larawan ng hangin